Skema í HR mætir með Minecraft smiðju á Borgarbókasafnið í Árbæ í haustfríinu þann 28. október. Á smiðjunni fá iðkendur tækifæri til þess að byggja á sérhönnuðum netþjóni Skema sem er nákvæm eftirlíking af Íslandi. Iðkendur vinna saman í hópum og koma sér saman um byggingu og staðsetningu hennar á Íslandi. Markmið smiðjunnar eru að þjálfa teymisvinnu, skipulagningu verkefna, sköpunargáfuna og að auka áhuga á landafræði Íslands.

Fyrir börn á aldrinum 7-10 ára.
Námskeiðið er ókeypis en plássið takmarkað og því er skráning nauðsynleg.
Skráning hefst 18. október á heimasíðu Borgarbókasafnsins.