Sýning á listaverkum eftir starfsfólk í Ási vinnustofu.
Í Ási er lögð áhersla á að skapa fólki með skerta starfsgetu vinnuaðstöðu sem sniðin er að þörfum hvers og eins með það að leiðarljósi að „enginn geti allt en allir geti eitthvað“.
Listsköpun skipar stóran sess í Ási, til að mynda er unnið með ull og leir, með aðferðum sem miða að því að öll fái tækifæri til að taka þátt. Þessi aðferðarfræði hefur hjálpað mörgum við að þróa áfram sína listsköpun.
Verkin sem sýnd verða á sýningunni er afrakstur þeirra vinnu.
Auk listsköpunar fer fram margskonar annað starf í Ási. Þar eru bæði saumastofa og smíðastofa (Smíkó) og unnið er við ýmiskonar pökkun og fleiri verkefnum fyrir stofnanir og fyrirtæki.
Áhugasöm geta keypt verk á sýningunni í gegnum verslun Áss í Ögurhvarfi 6, sími 414 0500
textill@styrktarfelag.is

Auðlesinn texti:
Á sýningunni eru listaverk eftir starfsfólk í Ási vinnustofu.
Í Ási vinnustofu vinnur fólk með fötlun undir slag-orðinu „enginn getur allt en allir geta eitthvað“.
Í Ási vinnustofu er unnið með til dæmis ull og leir í listsköpun. Öll sem hafa áhuga fá að taka þátt í að búa til listaverk.
Ef fólk vill kaupa listaverk af sýningunni þá er hægt að koma í verslunina í Ögurhvarfi 6, sími 414 0500, textill@styrktarfelag.is