Í haustfríinu 24.10-28.10 ætlar frístundamiðstöðin Kringlumýri að bjóða upp á ratleik sem mun standa yfir allt haustfríið. Hægt er taka þátt í ratleiknum á tveimur stöðum í Laugardalnum og Háaleiti- Bústaðarhverfi. Leikurinn mun byrja fyrir utan félagsmiðstöðina Þróttheima á Holtavegi 11, 104 Reykjavík í Laugardalnum og fyrir utan Félagsmiðstöðina Tónabæ í Safamýri 28, 108 Reykjavík. Þar er skannaður QR kóði sem mun fara með fölskylduna víðsvegar um hverfið að leysa verkefni sem krefst samvinnu og samskipta. Haustfríið er tilvalið tækifæri fyrir fjölskylduna að fara út og njóta saman í þessum skemmtilega ratleik. Hentar allri fjölskyldunni 0-99 ára. Sigurvegarar verða krýndir í lok haustfrísins með veglegum vinning.