Dagana 25-27 apríl höldum við UNGA sviðslistahátíð fyrir unga áhorfendur í sjöunda skiptið. Hátíðin, sem er annaðhvort ár, hefur skipað sér sess í hátíðaflóru Reykjavíkur og að þessu sinni verða sjö sýningar á hátíðinni. Sex þeirra koma frá Íslandi og verða sýndar í Tjarnarbíó og Borgarleikhúsinu. Auk þeirra kemur ein sýning frá Bretlandi.
Hátíðin er að þessu sinni og vonandi til framtíðar "afslöppuð" hátíð sem þýðir að sýningarnar verða aðgengilegar skynsegin börnum. Einnig verður boðið upp á sýningar með táknmálstúlkun og hljóðlýsingu. Við erum að venju í góðu samstarfi við Barnamenningarhátíð í Reykjavík sem verður haldin um sama leyti og UNGI og þökkum fyrir það tækifæri að bjóða þeim sem koma á Barnamenningarhátíð upp á frábært úrval sviðslistaverka fyrir börn og ungmenni.