15. - 21. júlí nk. mun LungA SPIRAL standa fyrir listasmiðjum, tónleikaveislu og myndlistarsprengju, með öllum lokasýningum þátttakanda SPIRAL.

Þetta árið markar endalok LungA, hátíðartónleikarnir verða því uppskerufögnuður og kveðjuathöfn hátíðarinnar. Áherslur eru á gleði, jafnrétti, sælu og sköpunargleði!

Til þess að fagna með aðstandendum hátíðarinnar sem komast ekki Austur í sumar, viljum við slá til götuhátíðar í samstarfi við Á milli, sýningar- og verkefnarými á Ingólfsstræti 6.

Grapevine mun gefa út nýtt tölublað 28 júní með LungA sem forsíðufrétt með 3000 orða grein, þess vegna mun viðburðurinn einnig fagna nýjasta tölublaði Grapevine. Við munum bjóða vinum LungA að stíga á stokk og einnig verður litrík dagskrá með tónlist og gjörningum til að fagna 25 ára afmælisins. Fram koma:
Steinn Helgi (Radio Gufan)
DJ ÓK
Curro verður einnig með gjörning.

Það er hægt að nálgast miða, söluvarning og fleira á viðburðinum, ásamt því að fá möguleikann á því að vinna pláss í listasmiðju!

__

Listahátíðin LungA hefur fyrir löngu fest sig í sessi sem einn áhugaverðasti og framsæknasti listviðburður landsins og fer nú fram í tuttugasta og fimmta og í seinasta sinn, dagana 15.-20. júlí, næstkomandi. Meðan á hátíðinni stendur iðar Seyðisfjarðarbær af lífi þegar gestir og listafólk frá öllum heimshornum drífur þar að í nafni sköpunargleðinnar. Við viljum í tilefni þess slá til fyrirpartýs í bænum og gefa þannig öllum kost á að kveðja þessa merkilegu hátíð.

Á milli er nýtt og ferskt gallerí niður í bæ, en einnig verkefnarými fyrir unga og upprennandi listamenn sem hafa mögulega ekki greitt aðgengi að helstu myndlistarrýmum borgarinnar – fyrir þau sem eru á Á milli glugga, vina og húsa.