Ókeypis og öll velkomin!Rafbassaleikarinn Ingibjörg Turchi og hljómsveit leika verk af plötum Ingibjargar, Meliae (2020) og Stropha (2023) í bland við spuna. Tónlist Ingibjargar má lýsa sem einskonar blöndu hins rafmagnaða og hins náttúrulega. Ingibjörg og félagar skapa einstakan og dáleiðandi hljóðheim þar sem hið kunnuglega verður framandi á ný. Ingibjörg hefur m.a. hlotið Kraumsverðlaunin, viðurkenningu fyrir plötu ársins hjá Morgunblaðinu og fengið Íslensku tónlistarverðlaunin.

Djasskrakkar sjá um að hita tónleikagesti upp. Djasskrakkar er hljómsveit skipuð mosfellskum krökkum á aldrinum 9-13 ára sem hafa lært að spila djass eftir eyranu og spinna undir stjórn Odd André Elveland. Þrátt fyrir ungan aldur hafa þau spilað víða, m.a. á Kids in Jazz-hátíðinni í Noregi auk þess sem þau eru gestgjafar tónlistarhátíðarinnar Barnadjass í Mosó.