Jól á bókasafninu
Það er fátt notalegra en að kíkja á bókasafnið á aðventunni, hvort sem fólk vill næla sér í góða bók til að lesa í skammdeginu eða eiga notalega stund í aðdraganda jóla.
Dagskrá Borgarbókasafnsins er fjölbreytt og við ættum öll að geta fundið eitthvað sem höfðar til okkar. Boðið er upp á barnabókaball, upplestur úr glænýjum bókum, jazz tónleika, ýmis konar föndurstundir, samsöng, spilakvöld og margt fleira.
Jóladagatalið verður svo á sínum stað þar sem börninfá að opna einn kafla á dag og lesa eða hlusta á söguna Stúlkan sem skemmdi (næstum því) jólin. Þeir sem vilja fylgjast með jólabókaflóðinu á samfélagsmiðlum fá stikkprufur þar sem höfundar kynna bækur sínar í örmyndböndum.
Fylgist með lífinu á söfnunum á:
www.facebook.com/Borgarbokasafnid
www.instagram.com/borgarbokasafn/