Höfuðstöðin er nýtt lista- og menningarhús staðsett í tveimur bröggum gömlu kartöflugeymslnanna í Ártúnsbrekku við Elliðaárdal. Stofnendur eru Hrafnhildur Arnardóttir / Shoplifter og Lilja Hrönn Baldursdóttir og hýsir Höfuðstöðin innsetningu Hrafnhildar, Chromo Sapiens, sem var framlag Íslendinga til Feneyjartvíæringsins árið 2019. Er þetta í fyrsta sinn á Íslandi sem kona opnar eigið menningarhús undir verk sín. Auk sýningarinnar er Höfuðstöðin með hönnunarverslun og kaffihús sem býður upp á léttar veitingar.