Heiðmörk er stærsta útivistarsvæðið í nágrenni Reykjavíkur og tilheyrir Græna treflinum sem umlykur allt Höfuðborgarsvæðið. Landsvæði Heiðmerkur fellur undir tvö önnur sveitarfélög auk Reykjavíkur, Garðabæ og Kópavog. Í Heiðmörk er fjölskrúðugt náttúrufar en þar ber mikið á skógrækt sem Skógræktarfélag Reykjavíkur hefur sinnt frá upphafi svæðisins sem var friðað árið 1950.

Þar má finna: Skógrækt – Jarðminjar – Fuglalíf – Sögulega staði - Gönguleiðir – Hjólaleiðir – Reiðleiðir – Sveppatínslu –Berjatínslu - Grillaðstaðu – Bekkir – Pikknikborð – Stangveiði – Útsýnisstaðir – Friðland – Leiksvæði – Fótboltavöll – Blakvöll.